Ժամանակակից ինտերնետ իրականության մեջ մեր «լավագույն ընկերը» ինտերնետ բրաուզերն է: Այն թույլ է տալիս բարդ HTML կոդի/լեզվի փոխարեն դիտարկել կայքերը իրենց ողջ «գեղեցկությամբ» և պարզությամբ: Օրինակ՝ ուսումնասիրեք ստորև ներկայացված նկարը
Դուք կարո՞ղ էիք պատկերացնել, որ սա բոլորիս հայտնի youtube կայքն է: Արդյոք կցանկանայի՞ք այցելել այդ կայքը, եթե տեսնեիք նման մի բան: Սա բարդ HTML կոդի մի մասն է միայն: HTML – ը հապավում է և նշանակում է HyperText Markup Language: Կոպիտ ասած սա «ինտերնետի լեզուն է» , և ինչպես ցանկացած լեզու այն ունի իր կանոնները, սահմանումները և այլն: Բայց քանի որ մենք այդ լեզուն չենք հասկանում, մեզ հարկավոր է «թարգմանիչ» : Այդ նպատակին են ծառայում ինտերնետ բրաուզերները: Նրանք կարդում են կայքի HTML – ը և «թարգմանում» մեր լեզու. արդյունքում դուք տեսնում եք գեղեցիկ կայքեր: Բրաուզերները իրականում շատ են, սակայն ոչ բոլորն են դրանց ծանոթ: Շատերին թվում է, որ ահա այս նշանը՝
«ինտերնետի» նշանն է: Իհարկե բարեբախտաբար արդեն «ինտերնետից գլուխ հանողները» շատանում են, բայց նրանց համար, ովքեր չգիտեն նշենք, որ սա «ինտերնետի» նշանը չէ: Սա աշխարհի ամենատարածված բրաուզերի՝ Internet Explorer – ի նշանն է:
Եւ այսպես անցնենք մեր այս հոդվածի բուն թեմային:
Այս հոդվածում մենք ձեզ կներկայացնենք 4 հիմնական բրաուզերները, որպեսզի ցանկության դեպքում դուք օգտվեք նաև դրանցից: Եւ այսպես՝
1. Internet Explorer 9 – աշխարհի ամենատարածված բրաուզերի՝ Internet Explorer 8 – ի թարմացված տարբերակը: Ահա այն՝
Բոլոր նրանք, որոնց համակարգիչներում տեղադրված է Windows Vista Service Pack 2 կամ Windows 7 Օպերացիոն Համակարգը կարող են թարմացնել իրենց Internet Explorer – ի նախկին տարբերակը այցելելով http://www.microsoft.com/ie9 կայքը: Ցավոք թարմացնել չեն կարող Windows XP ՕՀ – ից օգտվողները: Նոր տարբերակը շատ ավելի արագ է, քան նախկինները: Բացի արագությունից, բոլորովին փոխված է բրաուզերի միջերեսը (Interface – ը): Այն այժմ գրեթե տեղ չի զբաղեցնում էկրանի վերին հատվածում, թույլ տալով ձեզ դիտարկել կայքը ձեր էկրանի ավելի մեծ հատվածով: Tab – երը և կայքի հասցեի հատվածը այժմ միացված են իրար, ինչը շատ հետաքրքիր և ժամանակակից տեսք է տալիս այս բրաուզերին, դարձնելով այն ներկա պահին ամենագեղեցիկը շուկայում: Բրաուզերի բոլոր նոր հնարավորություններին կարող եք ծանոթանալ վերոհիշյալ կայքում:
2. Mozilla Firefox 4 – 2009-2010 թվականների լավագույն բրաուզեր ճանաչված Mozilla Firefox – ի (հեգնանքով կոչվում է նաև Internet Explorer Killer) նոր թարմացված տարբերակը: Այն կարող եք ներբեռնել http://www.mozilla.com հասցեում գտնվող պաշտոնական կայքից: Ահա այն՝
Ակնհայտ ծանր աշխատանք է տարվել այս նոր տարբերակի վրա: Ամբողջովին փոխված է բրաուզերի շարժիչը, դարձնելով այն ավելի քան 50% - ով ավելի արագ, քան նախկին տարբերակը: Windows Vista Service Pack 2 և Windows 7 ՕՀ – երից օգտվողները աչքին սովոր menu – ի փոխարեն կտեսնեն դեղնավուն «firefox» նշանը, որի տակ էլ «թաքնված են» մնացյալ հրամանները: Այս բրաուզերի ամենամեծ առանձնահատկությունն այն է, որ այն ամբողջովին «open source» է, այսինքն՝ բոլոր նրանք, ովքեր իհարկե ունեն համապատասխան գիտելիքներ, կարող են անվճար վերցնել բրաուզերի կոդը, ձևափոխել այն և այդպիսով ստեղծել իրենց սեփական բրաուզերը: Նման կերպ նախկին տարբերակի հետ վարվել էին Flock, Wyzo և այլ բրաուզերները: Բրաուզերի ամենամեծ առավելությունը կայանում է նրա հավելվածների (add-ons) մեջ: Դրանք ընդլայնում են բրաուզերի հնարավորությունները դարձնելով այն էլ ավելի հարմար և օգտվողին համապատասխան: Եթե ցանկանում եք զննել դրանք, այցելեք http://www.addons.mozilla.org կայքը: Մնացած հնարավորություններին կարող եք ծանոթանալ բրաուզերի հիմնական կայքում:
3. Google Chrome 10 – Աշխարհի ամենաարագ բրաուզերը, Ինտերնետ հսկա Գուգլ ընկերության արտադրանքը : Այն կարող եք ներբեռնել http://www.google.com/chrome հասցեում գտնվող պաշտոնական կայքից: Ահա այն՝
Այս բրաուզերը վերջին տարվա ընթացքում կրկնապատկել կամ գուցե նույնիկս եռապատկել է իր լսարանը: Պատճառն ակնհայտ է՝ այն կայծակնային արագություն ունի: Անընդհատ թարմացվող շարժիչը այս բրաուզերին տվել է արագությամբ առաջատարի դիրքը դեռևս 2010 թվականի սկզբին: Բացի այդ բրաուզերը հարմարեցված է Գուգլի ծառայություններից ավելի հարմար օգտվելու համար: Հնարավորությունները իհարկե շատ են և ցանկության դեպքում կարող եք դրանք ուսումնասիրել բրաուզերի պաշտոնական կայքում: Նշենք, որ այս բրաուզերի առանձնահատկություններից մեկը «omnibar» - ն է՝ այսինք կայքի հասցեի դաշտ և շտապ որոնման դաշտ մեկ ընդհանուրում: Նման դաշտ այս բրաուզերից կրկնօրինակել է Internet Explorer 9 – ը: Շատերին այս ֆունկցիան դուր է գալիս, բայց անձամբ ես այն այդքան էլ չեմ սիրում, քանի որ չեմ կարող ցանկության դեպքում շտապ որոնում կատարել օրինակ Wikipedia կայքում: Այս բրաուզերը նույնպես ունի հավելվածներ (extensions): Դրանք կարող եք գտնել https://chrome.google.com/extesnions հասցեում գտնվող կայքում: Իհարկե դրանք այնքան բազմազան չեն, ինչքան Mozilla Firefox – ինը, համենայնդեպս հավանաբար կգտնվի մի բան, որը դուք կցանկանայիք բեռնել:
4. Opera 11 – Նորվեգական Opera ընկերության արտադրանքը: Կարող եք ներբեռնել http://www.opera.com հասցեում գտնվող պաշտոնական կայքից: Ահա այն՝
Բրաուզերը շատ հարմար է օգտագործման մեջ, արագությամբ զիջում է միայն Google Chrome – ին: Այն ամենաֆունկցիոնալն է համեմատած մյուս բրաուզերների հետ: Ֆունկցիաների ամբողջական ցուցակին կարող եք ծանոթանալ պաշտոնական կայքում: Նշենք մի քանի հետաքրքիր առավելություն: Բրաուզերը իր մեջ ունի ինտեգրված Bittorent Client, որը հնարավորություն է տալիս առանց հավելյալ ծրագրերի բեռնել torrent ֆայլեր: Եւս մի հետաքրքիր առանձնահատկություն է ինտեգրված Mail Client – ը, որը կարող է ծառայել անյպես, ինչպես օրինակ Microsoft Outlook – ը, Mozilla Thunderbird – ը և այլ նման ծրագրերը: Բացի դրանից, եթե օգտվում եք այս բրաուզերից, ապա Opera Unite ֆունկցիայի շնորհիվ կարող եք կիսվել ֆայլերով ձեր ընկերների հետ, որոնք նույնպես օգտվում են այս բրաուզերից: Շատ կարևոր է նաև Opera Turbo ֆունկցիան, որը հնարավորություն է տալիս թույլ կապերի դեպքում (ինչպես օրինակ dial-up-ը) արագացնել աշխատանքը ինտերնետում նախապես կայքը «թեթևացնլելով» (օրինակ իջեցնելով կայքի նկարների որակը): Թույլ կապ ունեցողների համար այս բրաուզերը իդեալական է: Բրաուզերը ունի նաև 2 տեսակի հավելումներ՝ Widgets ( http://www.widgets.opera.com) և Extensions (https://addons.opera.com/addons/extensions):
Այս ամենից գուցե և ենթադրեցիք, որ բրաուզերները գտնվում են անընդհատ պայքարի, «պատերազմի» մեջ: Ի դեպ դա հենց այդպես էլ կոչվում է՝ browser wars: Իհարկե դժվար է կոնկրետ նշել լավագույնին, սակայն ես կփորձեմ տալ այդ հարցին պատասխան՝
Ամենաարագ բրաուզեր – Google Chrome
Ամենահարմար բրաուզեր – Mozilla Firefox
Ամենաֆունկցիոնալ բրաուզեր – Opera
«Ոսկե միջինը» - Internet Explorer
Ընտրությունը իհարկե ճաշակի և հայեցողության հարց է: Ոմանք ցանկանում են գեղեցիկ բրաուզեր, ոմանք արագ, ոմանք հարմար: Այսպիսով խորհուրդ կտայի բեռնել բոլոր 4 բրաուզերները, փորձել դրանք և հետո միայն անել հետևություններ, ենթադրություններ ու ընտրել ձեզ համապատասխան բրաուզեր:
Այսքանը այս հոդվածի համար: Շնորհակալություն կարդալու համար:
* խորհուրդ – միշտ թարմացրեք ձեր բրաուզերը եթե կա նման հնարավորություն:
