Նոր հյուրանոցը Դուբայում` Պարսից ծոցի ափին, շուտով կսկսի իր աշխատանքը:Ստորջրյա հյուրանոցը, որը վերջերս կարող էր թվալ դրվագ գիտաֆանտաստիկ ֆիլմից, այժմ իրականություն է: Hydropolis Undersea Resort` այսպիսի անվանում է ստացել աշխարհի ամենաանսովոր և բացառիկ հյուրանոցներից մեկը: Այս հյուրանոցի գլխավոր առանձնահատկությունը այն է, որ այն գտնվում է Պարսից ծոցի ափին` մոտ 18 մետր խորության վրա: Նախագծի արժեքը հասել է 490 մլն դոլարի, իսկ նրա տարածքը 260 հեկտար է: Պարսից ծովի այս հյուրանոցում հանգրվանելու 1 օրը կարժենա 5,5 հազար դոլար: Հյուրանոցյ նախատեսվում էր բացել 2006 թվականին, սակայն հետաձգվեց մինչեւ 2009 թվականը: Հյուրանոցի ստեղծման համար կօգտագործվեն մի շարք նորարարական տեխնոլոգիաներ, որոնք կդարձնեն այն կատարյալ սկզբնական բնօրինակից: Սուզանավի տեսքով շենքում գորշում են օդային փուչիկների ձևով 220 սենյակներ, ինչը ամբողջ կոնստրուկցիան դարձնում է շատ թեթև: Ավտոմատ գնացք օգնությամբ այցելուները 515 մետր երկարությամբ թունելի միջով հայտնվում են նախասրահում: Ծովածոցի մակերևույթից երևում են երկու երկնակամարներ` համերգասրահի և ընդունելությունների դահլիճի ,որտեղից հյուրերը կարող են վայելել Պարսից ծոցի գեղեցիկ տեսարանները և թարմ օդը: Հյուրանոցում մնալու ժամանակահատվածում հյուրերը կարող են գնումներ կատարել այստեղի առևտրի սրահից,ճաշել արհեստական կղզու ռեստորանում կամ դիտել ֆիլմ կինոթատրոնում: Այս ամբողջ ընթացքում հյուրերը գտնվում են հյուրանոցի հակահռթիռային պաշտպանական համակարգի հսկողության տակ: Վերին հարկերում կան շատ հարմարություններ հանգստի և գործարար հաղորդակցման համար. պլաստիկ վիրաբուժության կլինիկա,օվկիանոսային լաբորատորիա և գիտաժողովների սենյակներ.Ներքևի հարկերում են գտնվում անձնակազմի համար նախատեսված սենյակները, պահեստները, ավտոկայանատեղերը և այլն: Բացի այդ գործում է ժամանակակից կինոհամալիր, որտեղ կարող եք դիտել օվկիանոսում էվոլյուցիոն կյանքի և Ստորջրյա ճարտարապետության պատմության մասին ֆիլմեր: Ֆիլմի վերջում ձեզ կպատմեն, թե ինչով է ապրում այսօրվա Hydropolis-ը: Շարժական դիտապլատֆորմից բացվում են ճարտարապետության, մեծ քաղաքի լույսերի և հյուրերի համար հատուկ անցկացվող լազերային շոուի գեղեցիկ տեսարաններ:
No comments:
Post a Comment